LAOAG CITY – Nagririnnaot dagiti kapulisan ken protesters idiay Germany.
Daytoy ket kalpasan ti panangiwayat dagiti sumagmamano a grupo ti tignay protesta gapu iti kumarkaro a krisis iti ekonomiya iti nasao a pagilian.
Ti grupo ket bukbukelen ti Gen Z regelt a ti kayatna a saoen ket ‘Gen Z takes charge.
Sumagamano kadagiti nakapungtotan ti nasao a grupo ket ti saan a panangpondo ti gobierno kadagiti pagadalan, pannakakissay ti pondo iti military service ken ti nangato a presio dagiti magatang.
Gapu iti daytoy, napilitan dagiti kapulisan nga agusar ti puersa kalpasan ti pannakawatda ti report ti looting wenno panagtakaw kadagiti sumagmamano a pasdek negosio iti lugar.
