LAOAG CITY – Naduktalan ni Vice Mayor Rey Carlos Fariñas a saan nga ‘operational’ ti dental services ti Laoag City General Hospital (LCGH).
Daytoy ket kalpasan a naduktalan ti bise mayor nga awan ti araramiden ti dentista iti nasao nga ospital.
Gapu iti daytoy, nakipaset ni Dr. Yolanda Madamba-de Silva, ti officer in-charge ti Laoag City General Hospital (LCGH) iti maika-70th a regular session dagiti Sangguniang Panlungsod ditoy siudad tapno sungbatan ti nasao nga alegasion.
Naamoan a daytoy ket gapu ta awan dagiti dental services, apparatus, ken naan-anay a pasilidad iti dental office.
Mainaig iti daytoy, kunana a kasapulan ti panag-procure kadagiti ramit ken naan-anay a panawen tapno mailakad daytoy.
Nupay kasta, addan daytoy iti proseso ken mangnamnama a sumangpet dagitoy intono umay a bolan ti Disiemre.
Innayonna nga adda ti araramiden ti dentista ngem limitado laeng gapu ti kinaawan dagiti nasao a kasapulan.
Awan ti naiwayat a tooth extraction, tooth removal, cleaning, ken pasta iti bolan manipud Mayo agingga Oktubre gapu pay laeng ti limitado a ramit ti dental office.
