LAOAG CITY – Naikabilen iti Ilocos Norte Provincial Jail ti indibidual a natiliw babaen ti naidasar a warrant of arrest kontra kenkuana iti ili ti Nueva Era.
Dayta ti inbatad ni PCPT. Kester Arellano, ti hepe iti Nueva Era Municipal Police Sation.
Segun ken ni PCPT. Arellano, saandan a kinasapulan a biroken ti nasao nga indibidual gaputa addan ti immuna a panangbagbaga ti abogado ti suspek a saanen nga aglemmeng pay ken sangoenna lattan ti kaso a maipila kenkuana.
Inbatad ni Arellano a sumangsango ti nasao a suspek iti panaglabsing iti Article 248 wenno murder, no sadinno awan ti nairekomendar a piansana
Kabayatanna, nabigbig ti suspek a maysa a lalaki, agtawen 43, nasawaan, maysa a construction worker ken residente iti ili ti Marcos.
Iti agdama, awan pay ti naikeddeng nga aldaw a pannakatratar ti kaso a naipila kenkuana.
