Inpaganetget ni House Prosecution Member ken Representative Terry Ridon nga awanen espasio ti kampo ti depensa tapno agusar ti aniaman a delaying tactic mainaig ti impeachment trial ni Vice President Sara Duterte.
Segun ken ni Ridon, maibilang a pormal a deadline ti schedule nga inparuk-at ti Impeachment Court isu a kasapulan nga iyanau ti defense team ti orasda iti panangpresentar dagiti ebidensia tapno paglibakan dagiti indasar ti prosekusion.
Immunan nga inparuk-at ti ukoman ti schedule ti panagdengngeg para iti intero a bulan iti baben ti maysa nga advisory nga addaan ti petsa nga Oktubre 13.
Basar iti opisial a dokumento ti Impeachment Court, nagsumitiren ti kampo ti depensa ti listaan ti 25 a testigo a kalikagumda nga ipasango iti panangusig.
Nupay kasta, immunan a nagbabawi ti umuna a testigo ti political ken constitutional law professor a ni Ralph Sarmiento.
Sakbay iti daytoy, inbatad ni House Deputy Speaker ken Iloilo 1st District Representative Janette Garin a patienna nga agus-usar ti kampo ni Duterte ng “3D tactic” wenno “Delay, Delay, and Divert” strategy iti kaso.
Kabayatanna, manamnama a maliklikan dagitoy nga estratehia tapno saan a malappedan ti Impeachment court ti panangiparuk-at ti maysa a patas ken ‘timely’ a desision.
