LAOAG CITY – Inadmitir ti testigo ti defense team a ni Davao City Assessor Engr. Jaime Adalin a saan daytoy a sigurado no ti ginatang a lote iti Matina Crossing iti Davao City a kukua ni Atty. Manases Carpio ket maysa a ‘residenttial lot’ iti Barangay 74-A a naideklarar iti Statement of Assets, Liabilities and Net Worth (SALN) ni Vice President Sara Duterte.
Iti panagtultuloy ti impeachment trial, sinaludsod ni Senator-judge Bam Aquino ni Adalin no tiningitingna a nalaing amin a sanikua ni Vice President Duterte iti Barangay 74-A ken no maysa laeng daytoy iti 379-square-meter a sanikua ni Carpio.
Simmungbat met ni Adalin a saan na nga ammo daytoy gapu ta ti laeng nakapalaon iti subpoena ti impeachment court ket ti partikular nga agleppas ii 0775, ken ti nagbalin a pagibasaran da ket ti immunan a tax declaration ti lote a nakaipalaon iti Statement of Assets, Liabilities and Net Worth (SALN).
Mainaig iti daytoy, inadmitir pay ni Adalin a saan na a nakita no mano ti sanikua ti agasawa a Duterte-Carpio ken no mano ti sanikuada iti Barangay 74-A.
