LAOAG CITY – Naipilan ti Department of Justice (DOJ) iti Makati Regional Trial Court (RTC) ti extradition request ti Estados Unidos kontra ken ni Kingdom of Jesus Christ (KOJC) founder a ni Apollo Quiboloy.
Basar iti Department of Justice, ti nasao a petision ket naipila idi Nobiembre 9, no sadinno na-raffled daytoy iti Makati RTC Branch 145.
Malaksid ken ni Quiboloy, karaman pay iti nasao nga extradition da Teresita Dandan ken ni Helen Panilag.
Immunan a kiniddaw ti Estados Unidos iti Pilipinas a masapol a ma-extradite ni Quiboloy a sumangsango kadagiti kaso a sex trafficking, international human trafficking, bulk cash smuggling ken racketeering.
Maipalagip nga idi Oktubre ita a tawen ket kinumpirmaran ti Department of Justice nga adda dan iti maudi a paset ti extradition petition ken ni Quiboloy.
