Nakasaganan ti Business Permits and Licensing Office ditoy suidad ti Laoag a mang-monitor kadagiti agpuesto nga aglako ditoy siudad inton paskua.
Segun ken ni Atty. Charito Malicad, mangidadaulo iti Business Permits and Licensing Office ditoy suidad, a ti aramiden da tapno awan iti aglabsing kadagiti paggannurutan iti Business Permits and Licensing Office ket ti naiget a panag-monitor kadagiti mapalubusan nga aglako.
Inlawlawag na a daytoy nga addang iti Business Permits and Licensing Office ket tapno makita dagiti aglako no adda met laeng permit da wenno nakapwesto da met laeng a nasayaat iti naikeddeng lugar a pagyanan da.
Kunana a ti kanayonan a panagbisita da ket mangipakita a a seryoso dagitoy iti panangipatungpal kadagiti paglintegan iti Business Permits and Licensing Office ditoy suidad.
Mainaig iti daytoy, kuna ni Malicad a no makakita da iti awan permit na nga aglako ket gutigoten da dagitoy a mangalada tapno legal met laeng iti panaglako dagitoy.
Inayon na nga uray saan a paskua ket naiget nga bumisbisita dagiti grupo iti Business Permits and Licensing Office kadagiti pasdek negosio ditoy suidad tapno makita no ania pay dagiti kurang dagitoy a dokumento.
