LAOAG CITY – Kalikagom ni Mayor Aldrin Garvida ti insigida a pannakaipatakder ti Mariano Marcos State University (MMSU) iti ili ti Nueva Era.
Segun kenkuana, nagkiddaw daytoy ti tulong iti pagopisinaan ni Senator Imee Marcos, 1st Disrict Congressman Sandro Marcos, ken 2nd District Congressman Angelo Barba para iti kanayonan a pondo tapno maipatakder ti nasao a pagadalan.
Inbatad na a nagutigot laeng dagiti ubbing nga ag-enroll gapu ta asideg ken mabalin da nga agawid kadagiti pagtaengan da.
Mainaig iti daytoy, ekspektaren da nga agklase da nga insigida iti nasao nga ili ngem saan gapu ta adda pay dagiti kasapolan a maaramid tapno makapag-klase da iti ili.
Gapu iti daytoy, ikarkarigatan ti lokal a gobierno ti nasao nga ili a mangitulod kadagiti estudiante iti MMSU-Laoag ken Batac Campus tapno makaatendar da iti klase da.
Inlawlawagna a saan da koma nga ituloy ti agadalen gapu ta saan da a kabaelan ti pinansial a ksapolan ti agad-al kas koma ti bayad ti kasera, allowance, ken dadduma pay.
Innayon ni Mayor Garvida a nasken a matulongan dagitoy nga agadal tapno maaddaan da ti napintas a masakbayan ken saan da nga agtalinaed iti nakurapay nga estado ti panagbiag.










