Indeklarar ti Philippine Drug Enforcement Agency – Region 1 kas Drug Cleared Province ti Ilocos Norte.
Daytoy ket kalpasan ti pannakaisayangkat ti assessment iti amin nga ili ken siudad ditoy probinsia.
Segun ken ni PDEA Director Julius Paderes, kompleto dagiti dokumento da a mangipaneknek nga amin nga ili ditoy probinsia ket drug cleared.
Nupay kasta, inbatad na nga iti sumaruno a tawen ket ma-validate manen ti probinsya tapno masigurado no nagtalinaed daytoy a drug cleared.
Innayon ni Paderes a no bilang adda dagiti maiyuswat nga operasyon mainaig iti illegal a droga ditoy probinsya ket maipaayan ti 60 nga aldaw tapno solbaren, ngem no saan a kabaelan a masolusyonan iti naikeddeng nga aldaw ket kapilitan a maisubli ti pannakaapektar ti Ilocos Norte iti droga.












