Manarimaan ti pannakikoordinar ti Department of Health (DOH) tapno makabukel ti maysa a komprehensibo a PhilHealth benefit package a mailatang para kadagiti babbai ken ubbing a nakapasar ti kinaranggas wenno Violence against Women and their Children (VAWC) survivors.
Segun ken ni Health Secretary Edwin Mercado, target ti ahensia a marugyan ken maipatungpal ti nadakamat a programa iti maudi a paset ti 2027 wenno ti umuna a paset ti 2028.
Sakupen ti mailunglungalong a Z Benefit package ti agtultuloy a serbisio kas ti psychosocial support ken psychological care para kadagiti biktima, ken ti agtultuloy a follow-up services uray nakaruaren iti ospital ti pasiente.
Segun ken ni Mercado, paset daytoy ti benepisio a roadmap ti PhilHealth a mangipangpangruna pay kadagiti nangato ti gastos na a sakit, pakairamanan ti kanser ken sakit ti puso, a manamnama a mairugi iti umuna wenno maikadua a kuarter ti sumaruno a tawen.
Inlawlawag ni Mercado a naidumduma daytoy a programa ken saan a karaman iti developmental disability benefit package a manamnama a maiyuswat iti maudi a quarter ti 2026.












