LAOAG CITY – Nag courtesy call ni Laoag City ABC President Mikee Farinas kadua na dagiti opisyales iti Barangay Vira iti opisina ni Mayor Michael Marcos-Keon ditoy ciudad ti Laoag.
Kadwa ti ABC President a bimmisita iti opisina ti mayor ket ti ulitegna a ni Mr. Rey Carlos Farinas, Kapitan iti Barangay 16, Brgy. Bengcag Chairman Cathleen Ubay, Brgy Barit Chairman Ruben Ancheta, Barangay 26 Chairman Romulo Gabriel Jr. kenni Barangay 1 Chairman Melvin Santos ken amin nga barangay officials kadagiti nasao nga barangay.
Basar iti post ti mayor iti social media, kiniddaw na kadagiti nasao nga opisyal a kasapulan nga agkaykaysa dan ken lipaten dan dagiti innilem a naparnuay iti napalabas nga eleksyon para iti napinpintas a masakbayan dagiti umili ken panagprogreso ditoy syudad ti Laoag.
Inkari ni Mayor Keon ti panangipaay na ti sapasap nga suporta kadagiti amin a barangay ditoy ciudad.
Nagyaman met ti mayor kadagiti amin a kakapitan ditoy ciudad ti Laoag kangrunaan na kada ABC President Mikee Farinas ken Kapitan Carlos Farinas iti panangbisita da kenkuana.
Kadwa ti mayor a nangsango kadagiti opisyal ti barangay ditoy ciudad ni Vice Mayor Vicentito Lazo.
