LAOAG CITY – Ibilang ni Mrs. Alice Baguitan, 37, negosyante ti nateng manipod iti probinsya ti Benguet a maysa nga instrumento ti Diyos tapnu agbalin a modelo ti napintas nga aramid.
Daytoy ket kalpasan nga insubli na ti 2.7 milyon a pisos a nabati dagiti dua a babbai a kinagiddan na a nangan iti maysa a fast food chain ditoy ciudad ti Laoag.
Segun kenni Baguitan, apaman a nakita na ti bag ket nagturong a dagus iti terminal ti bus gapu ta isu ti nangeg na a pagturungan dagiti agtagikua.
Inbatad na a kalpasan a nagyaman dagiti akin kukua ken nangidiaya dagitoy ti kwarta kas gunguna ngem saan nga na nga inawat gapo ta arig na agpabpabayad iti inaramid na no awaten na daytoy.
Naamoan a saan met a daytoy ti ummuna a gundaway a nakapidot ni Baguitan ti bag a naglaon ti dakkel a kantidad.
Kabayatanna, nagyaman met ni Baguitan kadagiti amin a nakaaprisyar ti inaramid na a panangisubli ti 2.7 milyon a pisos.
