LAOAG CITY – Kinontra ti Armed Forces of the Philippines (AFP) ti agtultuloy a panangawag nga “18 marines” kadagiti nagbalin a bagmen ni dati a Congressman Zaldy Co.
Dagitoy dagiti indibidual a nangipatulod kadagiti naka-maleta a kuarta kadagiti sumagmamano a personalidad.
Iti naiparuk-at a mensahe ti Armed Forces of the Philippines, kuna ti Chief Public Affairs Office daytoy a ni Col. Xerxes Trinidad a makisarsarita ti militar a saan nga awagan ti 18 marines wenno dati a marines ti nasao a grupo.
Daytoy ket kalpasan a saan nga amin ket miembro ti Philippine Marine Corps., inpetteng ni Trinidad nga amin a dati a suldado ket awanen iti serbisio idi nagtrabaho dagitoy kas security ni Co.
Nadakamat nga inrakurak met ti Philippine Navy nga inikkat wenno dishonorably discharged ti sumagmamano kadagiti nagpabigbig a marines gapu iti panaglabsing.
