LAOAG CITY – Nangipilan ti kaso a kriminal iti Department of Justice ti aktor a ni Sandro Muhlach kontra kadagiti dua nga independent contractors ti Kapuso Network nga immabuso kenkuana.
Inbatad ti abugadoda a ni Atty. Czarina Quintanilla-Raz a pinilaandan ti sexual assault ken acts of lasciviousness da Jojo Nones ken Richard Cruz.
Kunana a nakaalada ti umdas nga ebidensia ti National Bureau of Investigation (NBI) isu a nakikoordinarda iti tunggal maysa tapno maipursige ti kaso.
Napasamak ti insidente idi Hulio 20 iti gala night ti nasao a network company.
