LAOAG CITY – Naminsan manen a pinabilib ni Pinay tennis ace Alex Eala dagiti agbuybuya ti Miami Open kalpasan nga inabakna ni World Number 5 Madison Keys ti Estados Unidos.
Nagun-od ti agtawen ti 19 a ni Eala ti iskor a 6-4, 6-2 tapno makastrek iti round of 16.
Naammoan nga isuna ti kaunaan a Pilipino iti Open Era a naabakna ti Top 10 a kalaban sipod idi naipatungpal ti ranking system idi 1975.
Ti nasao a panangabak ket sumagmamano nga aldaw idi inabakna ti world number 25 a ni Jelena Ostapenko iti maikadua a round ti torneo.
Iti opening set pay laeng ket nagbalin nga agresibo ni Eala no sadinno a nagtultuloy ti gagarna a maabak ti American tennis player.
Nagyaman ni Eala iti pamilia ken dagiti Pilipino a nagbuya iti ay-ayamna.
Sumaruno a kabinnalubal ni Eala ni world number 10 a ni Paula Badosa ti Spain.
