LAOAG CITY – Inbatad ti Ministry of Foreign Affairs and International Cooperation ti Cambodia nga awan ti pugante a negosyante a ni Atong Ang iti pagilian da.
Daytoy ket kalpasan nga inrakurak ti Department of the Interior and Local Government ti impormasyon da a maipagarop nga adda ni Ang idiay Cambodia.
Iti statement a naipost iti official Facebook page ti Cambodian Ministry of Foreign Affairs, kinumpirmaran ti pannakangiwat da nga awan ni Ang iti pagilian da ken awan ti opisyal a rekord manipod iti Immigration General Department of the Ministry of the Interior of Cambodia, a simrek wenno rimuar ti negosyante iti aniaman a Cambodian border checkpoints.
Mainaig iti daytoy, inpakaammo ni Department of the Interior and Local Government Secretary Jonvic Remulla a ti impormasyon nga maipagarop nga aglemlemmeng ni Ang idiay Cambodia ket naggapo ken ni Julie Patindongan, ti star witness iti panagpukaw dagiti mammallot.
Inpasigurado ni Remulla nga agtultuloy latta ti panangbiruk dagiti otoridad ken ni Ang.
