LAOAG CITY – Kinumpirmaran ti Department of Justice (DOJ) a pormalen a napilaan ti agsusukot a kaso ti negosiante ken gaming tycoon a ni Charlie “Atong” Ang.
Daytoy ket mainaig iti pannakapukaw dagiti mammallot nga addan ti sumagmamano a tawenen ti napalabas.
Inbatad ni Department of Justice Spokesperson Atty. Polo Martinez a naipila ti kaso idi Biernes.
Kunana nga iti babaen ti Revised Rules of Criminal Procedure, ti korte a nangipila ti kaso ti mangiparuk-at kadagiti warrant of arrest.
Inlawlawagna a daytoy ket no matuloy nga adda ti probable cause basar kadagiti ebidensia nga insubmitir ken iti resolusion ti panel of prosecutors.
Naipasa dagiti kaso iti Regional Trial Courts ti Lipa City, Sta. Cruz, ken San Pablo idiay Laguna.
Maipalagip a Disiembre 9 idi inrakurak ti Justice Department a pakaskasoanen ti korte da Ang ken sumurok 20 a dadduma pay nga indibidual ti kidnapping with homicide ken kidnapping with serious illegal detention.
Nangipila met ti motion for reconsideration ti kampo ni Ang ngem saan daytoy a makaapektar iti panangipila ti kaso basar metten iti Department of Justice.
