LAOAG CITY – Kwinestionaran ni Atty. Jasyon Pererra ti maipagarup a pammabasol wenno kaso a naipila kontra iti klientena.
Ti nasao a kliente ket ti maipagarup a live-in partner ti dati a naanunsio a mapukpukaw a babai iti ili ti Pagudpud ngem kadwana laeng gayam ti live-in partner-na.
Inlawlawag ni Perrera a ti napasamak ket gapu ti maipagarup a tinutukan ni Chief of Police ti Philippine National Police (PNP) Laoag P/Lt.Col. Retotar ti paltog ti klientena ket napan daytoy nagpatulong iti PNP San Nicolas.
Kuna ni Pererra a napaayaban ni Retotar iti PNP San Nicolas ngem saan a nagpakita wenno nagatendar daytoy tapno sungbatan kume ti maipagarup a panangtutokna ti paltog iti klientena.
Kinunana a kalpasan ti 20 nga aldaw ket adda iti bigla a naipila a kaso a kidnapping ken violation of comprehensive firearm no sadinno a rumrumuar a ti nangipila ket ti babai a ka-live-in partner-na.
Apaman a napasamak ti kastoy, naamoan a naglikudan ti babai dagiti naipila a kaso ket kuna ni Perrera a kasla adda ti manglaplapped kadaytoy nga agibaga ti umno a pasamak no sadinno nga adda ti napasamak a pannakisarita ti PNP Laoag iti babai.
Ditoy a kwinestionaran ni Perrera no kasano a nagbalin nga akusado ti klientena idinto a complainant daytoy.
Naduktalan pay ni Perrera nga adda ti pangta a napasamak iti lalaki no sadinno nga inpangta dagiti sumagmamano a kameng ti PNP Laoag nga addada laeng iti likudan ti lalaki isut gapu na a nagballaag ni Perrera iti klientena nga agan-annad daytoy nangruna ta adda daytoy iti uneg ti pagbaludan.
Innayon pay ni Perrera nga adda iti gundaway a mapanna asistiren ti kliente na ket nabagaan daytoy a saan nga sumsumrek ken napangtaan a mapilaan ti Obstruction of Justice.
Kabayatanna, kunana nga saanna nga ekspektaren iti kastoy a pasamak gapu ta basar ti konstitusion ket karebbengan laeng ti abogado nga asistiren ti klientena.
