LAOAG CITY – Awan pay dagiti ili ditoy Ilocos Norte a maibilang nga hotspot mainaig iti mapaspasangasangan a 2019 midterm elections.
Daytoy ti inbatad ni Police Chief Inspector Rely Layug, ti mangidadaulo iti police community relations office iti Ilocos Norte Police Provincial Office (INPPO).
Inlawlawag na nga agtultuloy pay laeng ti panagmonitor da kadagiti nagduduma nga ili ditoy probinsya a possible nga agbalin a nagulo wenno narisgo para iti pannakaisayangkat ti eleksyon.
Inadmitir ni Layug nga addan dagiti lugar ditoy probinsya a maidandanun kadakuada a maibilang nga hotspot ngem saan da pay a naan-anay a naivalidate.
