LAOAG CITY – Awan ti baro a kaso ti African Swine Fever (ASF) virus ditoy ciudad ti Laoag.
Daytoy ti inpasigurado ni Dr. Samantha Licudine, ti City Veterinarian ditoy ciudad.
Kuna na a sakbay pay ti panangselebrar ti paskua ket na-contain dan ti virus partikular kadagiti barangay a nakairekordan ti kaso.
Maipalagip nga iti umuna a paset ti Disyembre iti napalabas a tawen ket adda ti nasurok 100 a baboy a nagpositibo ti African Swine Fever (ASF) virus iti Barangay Lagui-Sail, kasta pay nga adda dagiti isolated cases iti paset ti Barangay Camanggaan ken Barangay Rioeng ditoy ciudad ngem dagitoy ket maibilangen a case closed.
Gapu iti daytoy, nagpalagip manen ni Licudine iti publiko nga agridam ken agannad tapno saan a makastrek ti virus ditoy ciudad.
