LAOAG CITY – Inikkaten ti Department of Agriculture (DA) ti temporario a pannakaiparil iti panagangkat kadagiti dingwen a mabalin a makaiwaras ti foot-and-mouth disease (FMD) ken dagiti produkto nga adda pakainaiganna manipud idiay Hungary.
Daytoy ket kalpasan nga isubli ti World Organisation for Animal Health (WOAH) ti FMD-free status ti containment zone ti Hungary. Kinumpirmaran met ti WOAH a sumursurot ti lugar iti pagannurotan iti salun-at dagiti dingwen.
Immunan a naipatungpal ti import ban iti babaen ti Department of Agriculture (DA) Memorandum Order No. 16, Series of 2025 kas panagannad kalpasan a makumpirmaran ti foot-and-mouth disease (FMD) idiay Hungary.
Iti babaen ti Department Circular No. 34, mabalin nga ituloy ti pagangkat kadagiti dingwen, karne, ken animal by-products manipud iti Hungary.
Nupay kasta, agtalinaed nga amin a produkto ket dumalan ti sanitary ken veterinary regulations ti Department of Agriculture (DA).
