LAOAG CITY – Natayen idi nakita ti maysa a lalaki a nakaidda iti maysa a folding bed iti Brgy. 12, Sta. Filomena II iti ili ti Bacarra.
Nabigbig ti biktima a ni Rodentor Guillermo, agtawen ti 43 ken residente iti nasao a barangay.
Segun kenni Police Lt. Melvin Trinidad, deputy chief of police ti PNP-Bacarra, naginom ti biktima ken dagiti kakadwa na idi nagawid ti kabsat na a suspek a ni Lou Guillerm, agtawen ti 27 nga aggapo met iti maysa a paggi-inuman iti karubba da met laeng.
Iti imbestigasyon pay dagiti otoridad, kuna ni Trinidad nga idi nakaawiden ti suspek ken nagbirok ti pangrabii na ken rumrumwar a pinabasol na ti biktima nga isu ti nangala ti makan a rason ti panagriri da.
Gapo iti daytoy, kuna ni Trinidad a nagriri dagiti agkabsat a puon ti nangkabilan ti suspek iti biktima bayat a nakaidda ngem saan a naitaray iti ospital ken kalpasan daytoy ket pinunusan da daytoy ken iti alas-diyes idi rabii ket agang-anges pay laeng daytoy.
Nupay kasta, itay agarop alas-singko ti parbangon ket nadiskubre a saan nga agkutkuti ken agang-anges ti biktima idi mapan da kuma riingen.
Kuna ni Trinidad a kinumpirmaran ni Dr. Emmanuel, ti Municipal Health Officer iti ili ti Bacarra a nakaro ti pinasar ti biktima a sugat iti bagi ken rupa na.
Kabayatanna, boluntaryo met a simmuko iti PNP ti suspek ket isu a mismo ti nangibaga a kinabil na ti kabsat na ken napalaos ti panagbabawi na.
Segun kenni Guillermo, namitlo a dinanog na tirupa ti kabsat na ken saan na a ninamnama nga isu ti mangitunda ti ipupusay ti biktima.
Inlawlawag na a ti saan da a nagkinnaawatan iti biktima ket maipanggep iti sidaen dan.
Kuna pay ti suspek nga idi nagriri da ket maipagarop nga adda ti naisawang ti biktima a dakes rason a nakapungtot daytoy.
Inbatad na a saan a simmubbot ti biktima ken nakaidda daytoy iti kabkbailen na.
Kabayatanna, kaso nga homicide ti maipila kontra iti nadakamat a suspek.
