LAOAG CITY –
Masdaaw ni Barangay Chairwoman Evangeline Rarangol iti Barangay Nagpatpatan iti ili ti Solsona, iti manamnama a preventive suspension kontra kenkuana.
Daytoy ket gapu iti isyu a naipadabnon iti Department of Social Welfare and Development – Region-1 mainaig iti maipagarop a panangibingay-bingay na kadagiti relief packsa maibunong kadagiti residente.
Segun ken Rarangol, bulan pay laeng ti hulyo idi napasamak daytoy rason no apay a masdaaw unay isuna gapu ta ita laeng a malukatan daytoy nga isyu.
Inlawlawagna nga apamana napakaammuanda nga adda aggpo iti Department of Social Welfare and Development – Region-1 a relief goods ket inurayda daytoy uray no adda pay laeng tudo na, sipod ta adda agdama a bagyo idi.
Kunana nga idi maideliver dagiti relief goods ket malemen ken nabasbasa pay dagitoy.
Kunana a gapu ta nabasa dagiti relief goods a naipaima kadakudad ket kiniddawda iti gobierno probinsyal nga itransfer ti supot dagiti food packs, no sadinno nga pinalubosan met ti gobierno probinsyal isuda.
Inpetteng pay ni Rarangol a no awan ti pammalunos ket saanda a kutien dagiti nadakamat a relief goods.
Naammuan a 100 laeng a food packs ti linaon ti kahon no sadinno a naammuan dagiti residente iti nadakamat a barangay, rason ti panangkwestionarda iti kapitana.
Kuna ni Rarangol a sinolbar na daytoy tapno ti kasta ket sapasap a maibunongan dagiti sakopenna.
Impakaammona a nagsolicit daytoy kadagiti kabagyan na iti Hawaii kasta pay nga inruar da ti calamity fund ti barangayda tapno matutopan ti kinakurang ti relief goods.
Kwinestyonaranna pay no apay a nakadanon iti Department of Social Welfare and Development – Region-1 ti isyu a saan nga immuna a nakadanon iti biang ti gobierno probinsyal.
Patien ni Rarangol nga awan met ti nagreklamo kadagiti kabarangayanna, ken kwestion kenkuana no apay nga aggapo iti lokal a gobierno ti Solsona ti reklamo.
Inlawlawagna pay ti naawatna a memorandum order no. 126 a mangilanlanad a mangisubmitir isuna afidavit of notarize answer iti uneg ti 72 nga oras, rason no apay a nangipatulod met ti surat kas panangsungbatna ti nadakamat a memorandum.
Mainaig iti daytoy ket iyur-uray met ti kapitana ti suspension order tapno ti kasta masungbatanna, ken maipadanonna daytoy iti biang ti Sang. Panlalawigan.
Imbatadna nga adda latta posibilidad a pakainaigan ti politika daytoy sangsangwenna nga isyu.
Kabayatanna, binallaagan met ti abogado ni Rarangol daytoy nga ilabanda ti kaso a sangsangwen ita ti Kapitana.
