LAOAG CITY – Kinumpirmaran ni Police Major Ryan Retotar, hepe ti PNP Dingras ti insidente ti panagpakamatay manen ti maysa a lalaki iti Brgy. San Marcelino iti ili ti Dingras itay parbangon.
Binigbig ni Retotar ti biktima a ni Haji Balucas, agtawen ti 20, baro ken residente iti nasao a barangay.
Segun kenni Retotar, iti inisyal a panagimbestigar da, inbitin ti biktima ti bukod na a bagi iti sirok ti mangga usar ti maysa a tali.
Kuna na a nagiinom ti grupo dagiti lallaki agraman ti biktima idi rabii.
Nabirokan ti bangkay na a nakabitin iti sirok ti mangga iti abay ti pagturturogan na a kubo-kubo iti nasao a lugar.
Naamuan ni Retotar nga agpagayam da Balucas kenni Jonathan Anaya y Palomares a nagbekkel laeng idi kalman.
Innayon na nga awan met iti nobya dagiti dua a lallaki.
Agtultuloy ti imbestigasyon dagiti otoridad seknan ti nagsaruno a panagpakamatay dagiti dua a lallaki.
