LAOAG CITY – Ad-adda pay a pinaigetan ti Bureau of Internal Revenue (BIR) ti tax service, panangkamat kadagiti saan nga agbaybayad ti buwis ken panangipasigurado ti patas a sistema.
Daytoy ti inrakurak ni Revenue District officer Ezperenza Guzman iti Bureau of Internal Revenue kalpasan ti naiyuswat a tax campaign kickoff nga addaan ti tema a “Buwis na Tapat, Tagumpay nating Lahat”.
Kuna na a babaen iti nasao a programa ket maipaayan ti importansya ti dakkel nga akem dagiti tax payers iti pagilian.
Inpaganetget na a no agbayad nga usto dagiti taxpayers ket ad-adda pay nga agprogreso ti pagilian.
Kabayatanna, nagpanawagan manen ni Guzman kadagiti taxpayers nga aramiden da ti pagrebbengan da babaen ti panagbayad da ti usto a buwis.
