LAOAG CITY – Nakikoordinaran ti Bureau of Internal Revenue (BIR) ti probinsiya kadagiti nagduduma a bangko para iti kooperasyon da seknan iti operasyon da kadaytoy panagipilaan ti Income Return (ITR).
Segun ken ni Atty. Jose Edimar Jaen District Revenue Officer ti BIR, babaen iti daytoy ket adda ti asitgan dagiti tax payer iti panagipilada ken no adda da bayadan da iti income tax da.
Kuna na a kinayat dagiti managers dagiti bangko nga itantan ti operasyon da mangrugi ita nga aldaw aginga inton kaaldawan ti maudi a panagipilaan ti ITR.
Innayon ni Jaen nga adda da pay Bangko a nangayat nga agoperar iti dua a Sabado inton Abril 7 ken Abril 14 tapno maakumudar da dagiti manggundaway iti serbisyo da kas iti Philippine Veterans Bank, Union Bank Development Bank ken PNBBatac Branch.
Nagapela ti Dist. Revenue Officer kadagiti tax payer nga isapsapa da ti agpila ti ITR da tapno saanda a maabutan ti deadline wenno aglabes ti deadline gapu ta agmulta dagitoy.
