LAOAG CITY – Inlawlawag ni Dr. Mary Jane Noble ti Black Nazarene Hospital ti biangda maipanggep iti napasamak nga insidente iti ubing nga agtawen ti 4 a taga Brgy.7-B ditoy siudad ti Laoag City.
Segun kenkuana a saan a nabaybayan ti pasiente gapu ta insigida a tinamingda daytoy idi makadanonen iti ospital, idinto nga awanen ti pulso na ti ubing no sadinno agarup maysa nga oras a pinadas da a ni-revive daytoy.
Kalpasan iti daytoy, ket in-refer da daytoy iti Mariano Marcos Memorial Hospital iti siudad ti Batac gapo ta napno ti ospitalda ngem inurayda ti agarup tallo pulo a minutos sakbay nga adda ti nagbalin a sungbat ti ospital.
Kinunana nga idi mabalinen a maiyakar daytoy ket inbagada ti mabayadan ngem gapu ta awan ti pagbayad da ket in-refer da daytoy iti Government Ambulance ngem saan nga available.
Innayonna nga uray awan ti pagbayad ti pamilia ti biktima ket agbati ti dua kadauaka tapnu agaramid ti promissory note idinto a napagsasaritaanda a ti first treatment ti patiente ket aggapu iti gobierno.
Inbatadna a saanda a mapagdesionan no siasinno ti sumurot iti ubing a mapan iti ospital iti siudad ti Batac no sadinno a saan napan ti ina na daytoy ken ti laeng ama ken anti ti patiente ti simmurot, idinto a patien ti doctor a daytoy ti rason a nakabayagan a mai-transfer ti ubing.
Nupay kasta, kinunana nga inaramid da amin a kabaelanda ken patienna nga awan ti nagkurangan ti ospital agsipud ta masapol a mai-transfer ti ubing ket nagkuti da met a sigod.
Kabayatanna, dumanon iti P16,000 ti nabati a balanse ti pamilia ti patiente iti nasao nga ospital, ket mabayadan daytoy babaen iti medical assistance para kadagiti indigent patients.
