LAOAG CITY – Maibilang a beneficial para kadagiti mannalon ti mapaspasaran a tudo ditoy ciudad ti Laoag.
Daytoy ti inbatad ni Dr. Melvin Manuel, ti mangidadaulo iti City Disaster Risk Reduction and Management Council ditoy ciudad.
Segun ken ni Manuel, ti maximum a rainfall ket 600mm ngem iti agdama ket addaan paylaeng ti 317mm kalpasan ti nagsasaruno a panagpasar ti tudo ditoy ciudad.
Inpalagip ni Manuel nga idi Hunyo ket nagkurang ti 80mm ti naibuyat a tudo ditoy ciudad.
Kabayatanna, inpasigurado met ni Manuel a nakasagana da no bilang kumarong ti sitwasyon wenno adda dagiti sumangbay a bagyo a pakaapektaran ditoy ciudad ti Laoag.
