LAOAG CITY – Inpakaammo ni Mayor James Bryan Alcid a palubosan ti City Government of Laoag a temporario nga agpuesto dagiti naapektaran ti uram a pasdek negosio iti Laoag City Public Market and Commercial Complex.
Inbatadna a manarimaan ti panangbirukda ti available nga espasyo ken no maipaay kadakuada daytoy ket saanda a mamandar nga agbayad ti renta iti maikeddeng a panawen.
Malaksid iti daytoy, immunan a nangipaay ti lokal a gobierno ti bagas kadagiti 30 nga indibidual a mangimanmanihir kadagiti 10 a pasdek negosio.
Kunana a naikkan dagiti maseknan ti lima a ribu a pisos manipud iti Congressional Office ken manamnama nga agbalin a benepisiarioda iti sustainable livelihood program.
Innayonna a makikoordinar daytoy iti City Social Welfare and Development Office tapno makita no adda pay dagiti assistance a mabalin nga ipaay kadagiti naapektaran basta masigurado a saan a madoble dagiti maited a tulong.
