LAOAG CITY – Inlungalong ti Department of Agriculture (DA) ti panangisayangkat ti naur-urnos nga imprastraktura tapno ad-adda pay a maipababa dagiti transport cost dagiti raw materials nga agturong iti merkado.
Daytoy ket kalpasan nga agbalbalin a rason ti nangina a presio kadagiti kangrunaan a magatgatang kas ti baboy kadagiti merkado iti nagduduma a paset ti pagilian.
Inbatad ni Agriculture Secretary Francisco Tiu Laurel Jr., maaddaan ti ad-adda nga epektibo a supply chain kageddan ti panagbaba ti costs manipud kadagiti farm nga agturong kadagiti tiendaan.
Mainaig iti daytoy, manarimaan ti pannakikoordinar ti ahensia iti Department of Public Works and Highways (DPWH) kadagiti aramidenda nga upgrades kadagiti kalsada ken rangtay para iti napinpintas a panagangkat kadagiti agricultural products.
