LAOAG CITY – Ad-adalen ti Department of Agriculture (DA) ti panangipatungpal ti price cap iti imported rice sakbay nga agngudo ita a bulan kalpasan nga inrakurak ti National Price Coordinating Council (NPCC) nga agisubmitir daytoy ti rekomendasion a ₱50 iti kada kilo iti Office of the President.
Inbatad ni Department of Agriculture Secretary Francisco Tiu Laurel Jr., ni Presidente Ferdinand Marcos Jr. ti agdesision iti daytoy.
Kuna ni Tiu Laurel, makatuling daytoy kontra iti posible a profiteering iti baet ti panagngato ti presio ti langis gapu iti U.S.-Iran conflict iti Middle East.
Iti datos ti Department of Agriculture Bantay Presyo, adda ti ₱55 agingga ₱63 iti kada kilo ti premium imported rice idiay Metro Manila.
Ti well-milled imported rice ket ₱45 agingga ₱49 idinto ti regular-milled ket ₱42 agingga ₱45 iti kada kilo.
Nupay kasta, kuna ni Tiu Laurel a saan a kasapulan ti price cap iti lokal a bagas gapu ta adda iti kangitingitan ti panagaapit.
