LAOAG CITY – Innaganan ti 18 a dati a marines nga isuda dati nga House Speaker Martin Romualdez ken Presidente Ferdinand Marcos Jr. a pinatulodanda ti naka-maleta a kickback manipud kadagiti flood control projects.
Simmango iti panagdengngeg ti 18 a dati a marines iti imbestigasion ti Blue Ribbon Committee nga indauloan ti Cayetano bloc no sadinno a ni Senador Rodante Marcoleta ti nag-preside.
Inbatad ti dati a marine a ni John Butuan nga isuda ti mangipatpatulod kadagiti kickback iti pagtaengan ni Romualdez.
Saan met a nalawag no ni Presidente Marcos ti umaw-awat ti kickback ngem nadakamat ti maysa a pagtaengan ditoy Ilocos a pinatulodanda ti kickback no sadinno a nakitada pay a maipagarup a nakitaripnong ni First Lady Liza Araneta ken ni dati a Cong. Zaldy Co.
Naammoan a dagiti maleta nga ipatpatulod dagitoy ket small, medium, large.
Kunana a ti small a maleta ket naglaon ti P20 agingga P25 million, ti medium a maleta ket naglaon ti P40 agingga P50 million idinto a ti large a maleta ket naglaon ti P50 agingga P70 million.
Inlawlawagna a mamitlo a daras iti maysa a lawas nga agipatpatulodda ti kickback ken ni Romualdez ken ni Marcos.
Dinakamat pay dagitoy ni dati a Philippine National Police Chief General Nicolas Torre III a nangidiaya ti maysa nga iphone 16e a 128GB tapno agulimekda.
Kabayatanna, sinaludsod met ni Senador Imee Marcos no sadinno nga Ilocos ti pakaipatpatulodan dagiti kickback ken kuna ti maysa a dati a suldado a nakitada dagiti ladawan ti pamilia Marcos.
