LAOAG CITY – Nangilatang ti Department of Budget Management (DBM) ti dumanon iti P454 milyon iti Department of Health (DOH) para iti pananggatang ti 173 a medical vehicles.
Inbatad ni Budget Secretary Amenah Pangandaman nga inaprobaranda ti Authority of Purchase Motor Vehicle (APMFV) para iti Department of Health.
Naammoan a dagiti lugan a magatang ket pakairamanan ti 161 nga units nga ambulansia, dua a mobile primary care facility wenno mobile clinic, uppat nga unit ti sea ambulance, uppat a passenger van, maysa a van para iti pannakaiyakar dagiti pasiente ken maysa a van para iti mobile blood donation.
Inlawlawag met ti sekretario a ti nasao a gatad ket maikissay iti Health Facilities Enhancement Program (HFEP) iti babaen ti 2024 General Appropriations Act.
