LAOAG CITY – Inpasingked ni Department of Foreign Affairs (DFA) Secretary Enrique Manalo nga adda iti nasayaat a kasasaad dagiti Pilipino idiay Estados Unidos gapu iti agtultuloy a mass deportation nga ar-aramiden ita ti nasao a pagilian.
Inbatad ni Manalo, gapu iti reputasion ti ahensia ken ti pagilian iti agtultuloy a pannakikoordinarda kadagiti international leaders, agbalin a naurnos ken agtalinaed a natalged dagiti Pilipino idiay Estados Unidos.
Inpettengna dagiti dakkel a kontribusion dagiti Overseas Filipino Workers (OFW’s) nga agtrabtrabaho kadagiti health care facilities, banking, hotel services ken management iti nasao a pagilian.
Kabayatanna, inpasigurado ni Manalo, nakalukat ken nakasagana a tumulong dagus ti embahada ti Pilipinas idiay Estados Unidos no bilang adda ti agkiddaw ti tulong wenn o assistance a direkta iti gobierno ti pagilian.
Maipalagip nga adda ti 24 a Pilipino ti immunan a naideportar ti Estados Unidos gapu iti pannakairaman dagitoy kadagiti krimen no sadinno a narugianen ti pannakaiproseso ti deportation idi administrasion pay laeng ni Biden.
Naammoan nga agtalinaed ti pannakikammayet ti pagilian iti World Health Organization (WHO) kas daytoy ti maysa kadagiti kangrunaan a prioridad ti pagilian ken saan nga agbalbaliw.
