LAOAG CITY – Kinumpirmaran ti Department of Foreign Affairs ti pannakatay ti maysa nga Overseas Filipino worker nga immunan a naireport a mapukpukaw kalpasan ti idadayyeg ti magnitude 7.7 a gingined idiay Myanmar idi Marso 28.
Inbatad ni Department of Foreign Affairs Undersecretary Eduardo De Vega a ti bangkay ni Francis Aragon ket positibo a nabigbig idi laeng kalman.
Kuna ti Foreign Affairs Department a napakaammoan da metten ti pamilya ti pimmusay a Pilipino.
Iti agdama ket adda pay ti tallo a Pilipino a nagtalinaed a mapukpukaw kalpasan ti napigsa a gingined idiay Myanmar.
Ni Francis Aragon ket agtawen ti 38 ken agtrabtrabaho kas Physical Education teacher idiay Myanmar.
