LAOAG CITY – Mamati ti Department of Labor and Employment (DOLE) a maipatungpal ti P85 wage hike dagiti minimum wage earners iti Metro Manila, iti baet ti temporary restraining order (TRO) nga inparuk-at ti korte.
Segun ken ni Labor Secretary Francis Tolentino, namnmaenna ti panangi-konsiderar ti korte ti probision ti 1987 Constitution a mangmangted ti proteksion kadagiti mangmangged.
Maipalagip a nangiparuk-at ti Pasig Regional Trial Court ti temporary restraining order (TRO) idi Hulio 30 mainaig iti petision dagiti dua a construction company a mangkues-kuestionar iti Wage Order No. 27 ti Regional Tripartite Wages and Productivity Board.
Iti salinong ti nasao a wage order, naikeddeng ti pannakaipatungpal ti kanayunan nga P85 iti sueldo dagiti minimum wage earners iti pribado a sektor iti Metro Manila.
Mainaig iti daytoy, inlawlawag ni Tolentino a masapol a bayadan dagiti employer dagiti wage increase a naurnong dagiti mangmangged sakbay pay a naiparuk-at ti nadakamat a TRO.
Gapu iti daytoy, impasigurado ti Department of Labor and Employment ti agtultuloy a panangprotektarda kadagiti mangmangged a Pilipino.
