LAOAG CITY – Inlawlawag ni Engr. Glenn Miguel, District Engineer ti Department of Public Works and Highways – First District Engineering Office no apay nga alisto a nadadael ti manarimaan a maar-aramid a dike iti Brgy. Gabu Sur ditoy siudad ti Laoag iti baet a daytoy ket nabiit pay.
Segun kenkuana, saan a ti danom iti sango ti nangdadael iti daytoy no di ket iti likod gapu ta saan a nakaruar ti danom ken iti kinangato ti lebel ti danom ti karayan.
Inbatadna a mapanna mismo kitaen daytoy a problema tapno ammona ti mabalin a solusion tapno saanen a maulit pay.
Inlawlawagna nga indanonna met daytoyen a banag kadagiti maseknan nga agtartrabaho iti daytoy a masapol a nadakdakkel ti tubo a maipan iti uneg.
Innayonna a dumanon iti 80 a milyon a pisos iti inisyal a balor ti nadadael iti nasao a proyekto.
