LAOAG CITY – Awan dagiti negosyante a naduktalan a nanggundaway a nagipangato ti presyo ti produkto da kabayata ti iduduprak ti bagyo Nando ditoy probinsya.
Daytoy ti naragsak nga inpakaammo ni Mr. Dominador Alberto, ti mangidadaulo iti Consumers Protection Division ti Department of Trade and Industry ditoy Ilocos Norte.
Inbatad na nga insigida da a nagsursur tapno aginspeksyon kadagiti nagduduma a pasdek negosyo tapno masigurado nga agtalinaed ti presyo dagiti nagduduma a produkto kangrunaan na dagiti basic necessities and prime commodities kabayatan ti panagpasar ti bagyo.
Mainaig iti daytoy, nagballaag ni Alberto a no adda man dagiti naduktalan da koma a nanggundaway iti sitwasyon ket saanda nga agpangadua a mangireport dagitoy iti Department of Trade and Industry.
