LAOAG CITY – Naminpinsan a nauram dagiti dua a balay idiay Barangay Nagrebcan idiay ili ti San Nicolas.
Nabigbig dagiti agtagikua kadagiti nauram a balay a da Marites Bonilla ken Samuel Pascua.
Segun iti inisyal nga impormasyon manipud kenni Barangay Chairman Joel Aliga, napanawan a kandela ti maipagarop a rason ti nasao nga insidente.
Inlawlawag ni Aliga a nagpaluwalo ti pamilya Pascua ken idi nalpas ket saan a naiddep ti kandela ken rimwar dagiti agtagikua iti balay a rason metten ti napasamak nga uram.
Inbatad na a gapo iti kadakkel ti apoy ket nairaman ti balay ni Bonilla a maipagarop nga agdagop ti 100 a ribo a pisos ti balor ti nadadael iti pagtaengan na.
Kunana nga apaman a naamoan na daytoy ket dagus a nagturong iti lugar ken nagtitinnulong da agingga a simmangpet dagiti bombero.
Barangay Chairman Joel Aliga
