LAOAG CITY – Nangrugin ti panangpadas kadagiti potensyal a pangagas para iti klase ti virus nga adda iti likudan ti makapatay nga
Ebola iti Democratic Republic of Congo.
Daytoy ti inwaragawag ti World Health Organization (WHO).
Segun ken ni World Health Organization chief Tedros Adhanom Ghebreyesus, ti kaunaan a pasyente ket nakaenrol iti Democratic Republic of Congo.
Iti datos, addan ti nasurok a 1,400 a kaso ken 438 dagiti pimmusay gapu iti ebola iti nadakamat a pagilian.
Agpapan ita ket awan pay ti naaprubaran a bakuna wenno aniaman a pangagas para iti Bundibugyo virus nga alisto a makaakar.
Ti agdama a trial ket inisponsoran ti World Health Organization, ken naikoordinar kadagiti scientists iti Institute National de Recherche Biomédicale iti Democratic Republic of Congo, ti Institute of Tropical Medicine iti Belgium, ken ti University of Oxford iti United Kingdom.
Maeksamen dagiti pasyente iti dua nga antiviral drugs.
