LAOAG CITY – Kritikal ti maysa a lalaki kalpasan a naidungpar ti nagluganan na a motorsiklo iti likod ti nakaparking a truck iti bypass road ditoy siudad ti Laoag.
Iti nakalap ng impormasyon ti Bombo Radyo Laoag manipud iti PNP Traffic Division ditoy siudad, nakapaigid ti truck idi ta naklaat ti saanen a nagpabigbig a driver kalpasan a nangeg na ti nanakraad iti likod ti truck.
Rumrumwar a saan a naripar ti driver ti motorsiklo a nakahazard ti truck ken maipagarup nga adda iti impluwensya ti nasanger.
Naamuan a ti driver ti mio morotcycle ket empleyado iti gobyerno probinsyal.
Nagsagaba ti sugat iti ulo ken natukkol ti akin kannawan a saka na ken dagus a naitaray iti ospital.
