LAOAG CITY – Inpakaammo ni P/Lt Jennifer Sison, Admin Officer iti Ilocos Norte Highway Patrol Group, a kaaduoan kadagiti mairekrekordda nga insidente ket ti Failed to return manipud idi bulan ti Enero agingga iti bulan ti Setiembre ita tawen ditoy probinsia.
Segun kenkuana, ti failed to return incident ket dagiti mapan umupa ti lugan agingga a saanda nga isubli daytoy rason nga agtinnag nga Estafa dagiti maipila a kaso.
Pinasengkedanna a manipud idi bulan ti Enero agpapan ita a gundaway ket awan pay ti nairekorda a carnapping incident ditoy probinsia.
Kabayatanna, kunana a naiget ti panangmonitor a banbantayan dagiti aglalako iti carsales wenno segunda mano ditoy probinsia.
