LAOAG CITY – Immabante iti championship game ti FIBA 3×3 Asia Cup 2026 ti Gilas Pilipinas Women kalpasan nga inabak na ti Japan iti semi-final iti iskor a 21–19.
Indaulwan ni Kacey Dela Rosa ti panangabak ti grupo, karaman ti napateg a game-winning play na iti risiris a laban.
Iti panagballigi, nakagun-od ti Pilipinas ti gundaway a makasango ti top seed nga Austria iti gold medal match.
Ti panangabak ti Gilas Pilipinas Women kontra iti Japan ket maysa a pammaneknek a pumipigsa ti presensya ti Pilipinas iti 3×3 basketball, maysa a format nga alisto a lumatak iti intero a lubong ken bigbigbigen ti FIBA kas opisyal a kompetisyon.
Kadagiti naglabas a tawen ket in-inot a nabigbig ti Gilas Women iti rehiyon gapu iti natibker a depensa ken agresibo nga ay-ayam da.
Malaksid iti pammadayaw nga inpaay ti grupo, napateg pay ti pannakastrek da iti finals gapu ta mangipaay daytoy iti inspirasyon iti babbai iti benneg ti sports, nga agtultuloy a makilablaban para iti patas ken panangbigbig iti internasyonal nga entablado.
