LAOAG CITY – Inpasigurado ti Hezbollah militant group a pagsungbatenda ti Israel.
Kagiddan daytoy ti panagbettak dagiti pager a kagamitanda a nakatayan ti siam a miembroda ken nakasugatan ti adu pay nga indibidual.
Idi pay dekada 90 ket saanen nga agus-usar ti selpon dagiti Hezbollah gapu iti posible a panangmonitor kadakuada ti Israel.
Mas pinilida nga agusar ti pager tapno makaala ti mensahe.
Mamati ti Hezbollah a nagusar ti naidumduma a software ti Israel tapno daytoy ket mapabettak.
Binabalaw met ti Lebanon ti Israel iti nasao a pasamak ken inpasiguradona ti panangsubbotda.
Saan pay a nangipaay ti impormasion wenno panangadmitir ti Israel maipapan iti nasao nga insidente.
