LAOAG CITY – Inrakurak ni House Speaker Faustino “Bojie” Dy a saan pay a nai-transmit ti Office of the Secretary General iti opisina na ti aniaman nga impeachment complaint a naipila kontra ken ni Vice President Sara Duterte.
Iti agdama ket adda ti dua a baro nga impeachment complaints kontra iti Bise President nga inpila ti civil society leaders ken dagiti miyembro ti left-wing coalition idi Lunes, Pebrero 2.
Daytoy ket kalpasan ti desisyon ti Korte Suprema iti napalabas a lawas no sadinno a pinatibker na nga “unconstitutional” wenno mailabsing iti linteg ti Articles of Impeachment kontra iti Bise Presidente gapu iti panaglabsing iti one-year bar rule ken saan a panangipaay ti due process ken ni Duterte.
Basar iti maikadwa a reklamo, maak-akusaran ni Vice President Sara Duterte ti misuse of public funds iti babaen ti termino na kas sekretaryo idi ti Department of Education (DepEd) ken nabiag pay ti alegasyon ti panagpangta ti bise president nga i-assassinate ni Presidente Ferdinand Marcos Jr, banag a naglikudan ni Duterte.
