LAOAG CITY – Nangipaay ti India ken China ti tulong para kadagiti biktima ti flashflood idiay Nepal.
Daytoy ti inpakaammo ti agasawa nga isuda Bombo International News Correspondent Richelle Villanueva Shrestha ken Rakesh Shrestha manipud idiay Nepal.
Segun iti agasawa, insigida a nangipadanon ti tulong dagiti dua a nadakamat a pagilian tapno matulungan dagiti maseknan a biktima ti kalamidad.
Inbatadna a naiget ti iwaywayat a search and rescue operation dagiti otoridad tapno maipasigurado a mabirokn dagiti biktima pakairamanan dagiti posible a survivor iti nakaam-ames nga insidente.
Inlawlawagna nga adda dagiti army ken police personnel a tumultulong para iti clearing operation kadagiti kalsada a nakapasamakan ti flashflood.
Kunana nga adda pay ti maysa nga helicopter a tumultulong para iti al-alisto a pannakarekobre dagiti biktima iti nalawa a flashflood.
Innayonna a manarimaan pay laeng ti pannakaipinal ti datos ti bilang dagiti pimmusay, nasugatan ken mapukpukaw gapu iti flashflood.
