LAOAG CITY – Mamati ti Malacañang a dakkel ti tulong a maipaay kadagiti miembro ti Philippine Health Insurance Corporation (PhilHealth) ti inikkat a 45-day benefit limit para iti health coverage.
Inbatad ni Palace Press Officer Claire Castro, inaramid ti PhilHealth ti addang gapu ta adu a serbisio iti benneg ti salun-at ti kasapulan ti sumurok 45 nga aldaw a coverage kas ti hemodialysis.
Kalikagum a siguradoen ni Presidente Ferdinand Marcos Jr. nga awan ti agbalin a lapped kadagiti serbisio ti PhilHealth para kadagiti Pilipino.
Iti babaen ti sistema, adda ti maximum a 45 nga aldaw ti PhilHealth member para iti hospital confinement iti tunggal tawen.
Nupay kasta, iti agdama ket naikkat daytoyen ken ad-adda a maaddaan ti inclusive approach para kadagiti dadduma pay a medical services.
