LAOAG CITY – Balligi a natiliw dagiti innem nga indibidwal gapo iti panaglabsing da iti Sec. 27 iti R.A 9147 wenno ti pannakakumpiskar ti bonsai iti Brgy Salpad, Pasuquin, Ilocos Norte.
Nabigbig dagitoy a da Jerry Dancel, Alvin Dancel, Hilario Lagazo, agpapada a residente iti Brgy. Susugaen; Dennis Garcia, Ernesto Garcia Jr., agpada a residente iti Brgy. Salpad ken ni Elmer Garaña, taga Brgy Estancia iti nasao nga ili.
Basar iti impormasyon manipud iti PNP-Pasuquin, nakaawat da ti report a dagiti suspek ket agkalkali iti kayo a maaramid a bonsai wenno maaw-awagan nga IGEM-DAGAT Tree.
Nakumpiskar manipud kadagiti suspek ti maysa a Bolo, dua a pidaso a Cutting Saw ken maysa a bassit a digging bar ken amin dagitoy ket adda iti pagtaengan ni Dennis Garcia, maysa kadagiti suspek.
Iti agdama ket addan iti kustudiyar iti PNP-Pasuquin dagiti suspek ket maisagsaganan ti kaso a sangwen da.
