LAOAG CITY – Tingtingitingen ni Iranian President Masoud Pezeshkian ti pagers attack a mangsuporta iti akusasyon ti Hezbollah a ti Israel ti masterminded iti panagpabettak idiay Lebanon.
Inakusaran ti Iranian president ti Estados Unidos ken dadduma a kaalyado na nga adda ti pakainaigan da ti pammapatay ken blind assassinations ti Zionist regime.
Kinondenar met ni Pezeshkian ti pannakausar dagiti devices a naaramid para iti pagsayaatan dagiti tattao tapno pabagsaken dagiti kabusor a mangipakita ti kinaranggas ken barbarism.
Immunan nga inpetteng ni Secretary of State Antony Blinken nga awan ti pakainaigan ti Estados Unidos iti napasamak a panagatake.
Kabayatanna, kinumpirmaran ni Lebanese Health Minister Firass Abiad nga umabot ti 12 a tattao a pakairamanan ti dua nga ubbing ti natay iti napasamak a panagbettak.
Innayon na nga agarop 3 ribo a tattao ti nagtalinaed iti ospital ken kaadoan kadagitoy ket naiyakar da iti Iran ken Syria tapno isu ti pakaagasan da.
Mainaig iti daytoy, rinugyan metten dagiti Foreign governments ti nangkondenar iti napasamak a panagatake, pakairamanan ditoy ni Russian foreign minister Maria Zakharova, Turkish President Recep Tayyip Erdogan ken Egyptian foreign minister Badr Abdelatty.
