LAOAG CITY – Inpetteng ni Iranian supreme leader Ali Khamenei a ti Israeli air strikes a timmama iti Tehran ken dadduma pay a lugar iti Iran ket saan a rumbeng a tagibassiten ti pagilian da.
Immuna iti daytoy, kinumpirmaran ti Iranian Army nga adda ti uppat a soldado ti Iran iti strikes nga inpabanto ti Israel Defense Forces (IDF) iti nadakamat a lugar.
Inpalgak ni Khamenei a nagaramid ti Israel ti saan nga umiso a panagkalkula maipanggep iti Iran a rumbeng nga ikorehir ti Tehran.
Inpaganetget na a saan nga am-ammo ti Israel ti Iran, kangrunaan na ti kinabileg, kapabilidad, inisyatibo ken kabaelan nga aramiden ti nadakamat a pagilian.
Innayon ni Khamenei a masapol nga ipaawat da iti Israel no ania ti pudno a kababalin ti Iran.
